بو گئجه قوناقسان منه .

شاملاري يانديريب ان سئودييين عطيري بوتون وارليغيما سه پيرم.قهوه ني بيشيريب

حاضير قويموشام.

ساچلاريمي داراييب چيينيمه تؤكركن گله جه يييني دوشونورم.

دونومو گئييب گوزگوده اؤزومو ، اينجه بئليمي سوزورم." نه گؤزل سن آي قيز " دئيه

گلدين.  "يئتيشدين مي سن؟؟؟"

سنينله ديز –ديزه اوتوروب ،نصرتين شعريني اوخويورام...

" سينديرار گوللرين بوز گوزگوسونو

شفقلر  ائهمالجا قونار قار اوسته

بياضليق ايچينده قيز نووروز گولو

اؤلر تميزلييين قوللاري اوسته "

فينجانلاري بوش گؤروب گولومسه ييرم.ان  اوزاقلارا باخيرام،قاردا ،بوراندايام سانكي...

آز قالير اوشوتمه  آياقدان سالا مني.يوخسان سئوگيليم.يوخسان آخي سن.

سني آختاريب تاپميرام  آنجاق.ائله بيل رؤويادا قوناق گليبسن.

اويورام رؤويادا سنسيزليك اوسته.

شانلي

اوتوروب فیکره دالیرام.

 طالع اویونلارینا اینانمایاراق یوخولاریمی یاشادیرام.

گوزلریم آی ی ی ی ی ی ی  یول چکیر ،

                                            یوللار اوزون عومور گوده.

الده آنام باغلادیغی بوغچام ،

                       آیاقلاریمادا چاریق ،

                                        دابانلاریمین چاتلاقین دوشونمه دن یول گئدیرم.

گوزلریمی یئره زیلله ییب ،

                               اوره ییمین قوللاری سارینیب تانرینین بوینونا.

                    یالواریرام

                                   آه

                                       یالواریرام!

ستم گؤَرَجكسن اولدوزلارساني،

بير آزدان باشينا اود اَلنَه جك.

دوداقلار اؤپه‌جك قارازورناني،

سنين سه صيفتين سيلله لنَه جك.

*

هَله تپر توپلا، دؤزوم ييغ‌هله،

قانلاري جوشدوروب قايناتماليسان.

اوزونه چيرپينان سيلله‌‌لرايله

تويا گلنلري اويناتماليسان.

*

بير آزدان دوشه جك اوستونه اللر،

سني ناغاراچي يئسير ائده جك!

آغريندان حظّ آليب سوزَن گؤزللر

فريادين اوستونده ياللي گئده جك.

*

بو آلين يازيندير، نه كوس، نه اينجي،

چيرتما چاتلاياجاق قاشيندا سنين.

درده باخ، هامي‌نين تويو، سئوينجي

قاپازا دؤنه جك باشيندا سنين.

*

آلين يازيسيندان قاچماييب هئچ كيم،

سيتمه سينه‌ گر، غمه قلم چك!

يئديگين سيلله‌لر قورخما، عزيزيم،

شأنينه اسكيك ليك گيترمییه جك.

*

قوشا شاپالاغا دؤزه جك درين،

نالََن موسيقيه دؤنه جك حكمن.

 غم يئمه ناغارا، دؤيولنلرين

بوتون يئر اوزونده خوشبختي سنسن.

*

بَختَور باشينا، سيلله‌لَن، نه غم،

سيلله‌لر عؤمرونه نور الییه جك.

درد منيم درديمدير، صاباح بيلميرم

كيملر طالعيمي سيلله لييه جك!

         شاهمار اکبر زاده

بو گون موحاکیمه اولدون  نه قدر سوچلو ایدین؟! 

                                               هئچ اوزونده آنلامادین.

آه بیلیرسن؟

باشینی آشاغا تیکن زامان ُ گوزلرینی آرایان اولدوم. آما قاچدینُ قیرا قیرا قیریب قاچدین.

گوزلرینده یاش ُ اوره یینده آجیلار یاشیا بیلسین دئیه ُ قاچدین اولدوزلو ساچلاریمدان.

ایندی سنی دارا چکن چاتاق ُ قاپ قارا ساچلارم اولوب .

                        شانلی گونلریمه ییه لندیین اوچون گوزلریمین ان قارا دنیزینده بوغولمالیسان

                                                                                                                        سئوگیلیم!